TOPICS:
Literature
|
Philippine Folklores | Short
Stories | Novel | Salawikain
| Bugtong | Prose
& Poetry |
PROSE &
POETRY
Kahulugan ng Buhay
Writer:
john jimenez
Isang puno na himalang tumubo sa mainit na disyerto
Isang kandila na bumulaga at pinukaw ang mapanglaw na kadiliman
Araw na nagpupumilit
sumikat sa kasagsagan ng bagyo
Mga patak ng ulan na sama-samang dinilig ang
tigang na lupa
Mga langgam na masigasig na naghahanap ng makakain para sa
tag-ulan
Inahing ibon na matiyagang inaayos ang pugad para sa pagsilang ng
kanyang mga inakay
Paslit na bata na natutong tumayo at maglakad dahil sa
pagkakabuwal
Ina na nagpakaalila sa ibang bansa para sa kinabukasan ng kanyang
mga anak
Sugatan na kawal na buong giting na nakipaglaban alang-alang sa inang
bayan
Isang alagad ng Diyos na nangaral sa lungga ng mga pusakal
Lolo
na may malubhang sakit na ibig pang mabuhay upang makadalo sa kaarawan ng kanyang
apo
Ang buhay ay pag-ibig, ang pag-ibig ay buhay
Kambaltuko at di maaring
maghiwalay
Ang buhay ay paglalakbay, hindi lugar na pupuntahan
Sa bawat
karanasan ay lalabas ang angking kagitingan
Bawat tao'y nabubuhay sa mundong
kanyang nilikha
Kung ano ang tinuon ng kanyang pag-iisip
Ay huhubog sa
kanyang papel sa daigdig
Sa bawat baytang ng paghakbang ay may aral na nakaabang
At may makikitang liwanag, sa pagpupursigi ng tapat
ABOUT JOHN JIMENEZ
John Jimenez is a regular contributor of emanila*poetry. This poem is originally
published here at emanila.com. John wrote: "... as I have been exposed to
a lot of patients suffering from psychological problems, themes on struggles in
life like rejection, failures, separation and even death serve as my inspiration
in writing poems." John is a physician/psychiatrist and a medical director
of Jimenez Mental Hygiene Clinic.
